هل تفقد شركة أوبر Uber صدارتها بسبب سوء الإدارة

إدارة برامج الخليج 20 أغسطس، 2016

هل تفقد شركة أوبر Uber صدارتها بسبب سوء الإدارة

ظهرت خدمات تاكسي الخاص في مصر كحل بديل ونهائي لمن معتاد على استخدام التاكسي كوسيلة للتنقل ومن يعاني من صعوبة التعامل مع سائقي التاكسي من حيث الاسعار والمعاملة الرديئة كانت أهم مميزاتها فكرة الامان على اولادك وزوجتك عند ركوبهم سيارات الاجرة مع غرباء وعدم وجود مخاوف تعرضهم لأي ضرر من قبل السائقين واندثرت تلك المشاكل مع ظهور خدمة تاكسي خاص مثل تاكسي اوبر uber و تاكسي كريم Careem و تاكسي أسطى OUSTA وتاكسي العاصمة و لندن تاكسي وإيزي تاكسي وغيرها من خدمات التاكسي الاخرى وان تفاوتت نسبة اقبال عليها وتصدرت تلك القائمة شركة أوبر uber taxi لعدة اسباب لسنا بصدد تفنيدها الآن وان كان من ابرز تلك الاسباب هو سبقا بالظهور لأول مرة كخدمة بديلة للسيارات الاجرة المعتادة ومتوفرة في العديد من مدن العالم ( ومن ضمنها القاهرة والاسكندرية ) ،و التكلفة مثل تسعيرة التاكسي العادي مع فارق المعاملة الراقية و السيارات الجيدة بها
تميزت شركت أوبر أيضا بأن جميع السائقين مدربين على كيفية التعامل مع العميل بكل احترام وادب ، ومن المميزات ان السائق يتم الكشف عليه جنائيا بواسطة الشركة واجراء تحاليل مخدرات لضمان امان وسلامة من يركبون معه وسبق وتحدثنا في موضوع سابق عن شرح خدمة أوبر Uber taxi بالتفصيل ومدعمة بالصور
أو هذا ما كنا نرجو ان تستمر الشركة عليه … !

أيضا من قام باستخدام خدمة شركة اوبر uber بكثرة واعتدا عليها في حياته اليومية يعرف أيضا أن مميزات السائق في شركة أوبر هي :-

لا يتحدث في مواضيع جانبية الا إذا تحدث مع العميل ويكون رده دائما في حدود المسموح به .
جميع السيارات حديثة ومزودة بوسائل الراحة ويعملوا الآن على تزويدها بخدمة واي فاي
يقوم بالالتزام بالقيادة الهادئة الصحيحة.
لا يقوم بتشغيل الكاسيت الا بطلب من العميل.
لا يستخدم الهاتف في التحدث اثناء الرحلة.
لا يختار الطريق بنفسه ويلتزم بتوجيه العميل من حيث الطريق المتبع او يسير على مسار خريطة الجهة الوصول المحددة مسبقا.
يحق للعميل ان يقوم بطلب تشغيل التكييف او اغلاقه والتكيف يعمل في جميع السيارات لأنها حديثة .

فما الذي تغير ؟
مؤخرا ظهرت العديد من الشكاوي على ساحات السوشيال ميديا بسبب سوء المعاملة من قبل السائقين في شركة أوبر uber وتباينت نوعية الشكاوى بين سرقة وتحرش وسوء معاملة وعدم اكتثار من قبل الادارة على الشكاوي التي تقدم لهم , وعلى الرغم من ان الموضوع حتى الآن لم يشغل حيز اعلامي كبير إلا انه بدأ ينشر بشكل كبير على ساحات السوشيال ميديا وعلى الاخص الفيسبوك الأمر الذي جعل الكثير من العملاء يحجمون عن استقلال سيارات أوبر بسبب اهتزاز ثقتهم ب شركة أوبر وخدماتها بل ووصل الأمر لتدشين هاشتاك ( ‫#‏شركة_أوبر_حرامية‬ ) لمن لديه تجربة سيئة مع شركة أوبر ويريد قصها للتشهير بما حدث له
دعونا نستعرض الآن بعض الشكواى التي تداولت في الايام القليلة السابقة عن شركة أوبر وخدمتها

شكوى شركة أوبر 1

رابط البوست الأصلي من الفيسبوك

نص الشكوي من شركة أوبر

فهرس المحتوى

نص الشكوي من شركة أوبر
نهاية نص الشكوي من شركة أوبر
نص الشكوي من شركو أوبر
نهاية نص الشكوي من شركة أوبر
نص الشكوي من شركة أوبر
نهاية نص الشكوي من شركة أوبر

‫#‏شركة_أوبر_حرامية‬

أخويا كان راجع من السفر بالسوبر جيت فنزل في مدينة نصر وطلب أوبر لحد البيت في المعادي .. قريب من البيت كدا أخويا سأل السواق لو معاه فكة .. السواق طلع مش معاه فوقفوا عند كشك .. أخويا نزل وكان سايب شنطة سفره والموبيل بيتشحن .. سواق أوبر المحترم سرق الحاجة وطار بالعربية !!

كل اللي كان معانا كان اسم السواق وموديل ولون العربية وأخويا كان فاكر رقمها كمان .. أتصلنا بمكتب أوبر مرضيوش يساعدونا بباقي البيانات .. المهم اننا اتصرفنا وفي واحد معرفة ساعدنا وإدانا كل البيانات اللي ممكن نحتاجها؛

– أسم السواق: اسامة اشرف عبد الرازق ابراهيم
– الرقم القومي: ٢٨٥١٠١٩٠١٠٠١٩١
– عنوان: ٢٠ شارع ألماظة – مصر الجديدة – القاهرة
– التليفون: 01146962895
والبيه شغال على عربيتين:
العربية الاولى: (دي العربية اللي حصل بيها السرقة)
– نوع العربية: Speranza Envy 2017 – أسود
– رقم العربية: و ل ٨٢٣٤
– أسم صاحب العربية: محمد تامر
العربية التانية: (اتقالنا انهم وقفوه بس سايبينه شغال ع العربية دي لسة !!)
– نوع العربية: Speranza Envy 2017
– رقم العربية: ي د ا ٧١٤
مشينا في كذا طريق علشان نوصل للحرامي اللي شغال في أوبر ده:
– عملنا محضر في قسم المعادي بكل البيانات – يعني احنا كنا مسهلين ع الشرطة كل حاجة (بس كل اللي كان هاممهم وقتها انا ازاى جبت كمية المعلومات دي) .. والمحضر أتحول نيابة المعادي وكالعادة المحضر أتحفظ ( ١١٦٠٥ ج ج – 2016) .. ولما سألنا ليه، الموظف قالنا “ما كل الناس بتتسرق وبتستعوض ربنا .. انتم ايه اللي جايبكم النيابة ؟!”
– بعتنا شكوى ل أوبر عالميا .. الصراحة في الاول كان اللي بيرد عليا مهتم وبيرد على طول (اسمه Jason) .. وبعدين وصلنا لنقطة انه حول الموضوع للمكتب في مصر .. ومن ساعتها مبقاش يرد بإنتظام لحد ما وصلنا انه مش بيرد خالص.
– نيجي بقى لمكتب أوبر في مصر .. اولا احنا عملنا شكوى ع السيستم اول ما حصلت السرقة – محدش عبرنا .. نتصل بيهم، مبنوصلش لحاجة ولا هما بيرجعوا يكلمونا .. في الاخر روحنا احنا الشركة وأهلي قابلوا واحد مسئول هناك اسمه “عبد الشافي” وده زى رئيس العمليات في الشركة، الراجل وعدنا يتصل بينا وطبعا ده محصلش .. أخويا راحل يقابله تاني وساعتها سألنا “انتم متوقعين الشركة تعملكم ايه يعني ؟!” .. بعد كلام كتير معاه وان هما اللي مسئولين وان السواق ده من عندهم .. إدانا نمرته علشان نتابع معاه كمان يومين وأهو فات اسبوع ومبيردش ولا اتصل !!
من الاخر يعني شركة أوبر بقيت عاملة زى التاكسي العادي بالظبط .. لو حاجتك اتسرقت محدش هيعبرك والنيابة هتقولك استعوض ربنا .. لو حد اتحرش ببنتك ولا اختك برضه محدش هيعملك حاجة .. ايا كان نوع شكوتك هينفضولك (وده واضح في كمية الشكاوي ع الفيس بوك) !!
الشركة دي عملت اسم بسببنا لأنها فعلا بدأت كويس وكانت بتسمع للناس .. لكن واضح انهم مبقاش فارق معاهم .. علشان كدا لو سمحت ‫#‏شير‬ لاننا للاسف مبقاش لينا غير السوشيال ميديا في البلد دي :/
** تعديل ع البوست للتوضيح:
– اى “فري رايد” .. بيكون ليها قيمة معينة .. لما رحلتك بتعدي القيمة دي، بتدفع الفرق .. هو ده السبب انه كان نازل يفك فلوس .. الرحلة باينة كدا لانها مكملتش لحد المكان النهائي اصلا !!
– اواى جيبنا السكرين شوت والموبيل مسروق ؟ كل رحلة تبع اوبر بتجيلك ع الايميل + انك ممكن تدخل بالاكونت بتاعك ع الموقع بتاعهم وتجيب كل حاجة شبه الابليكيشين.

نهاية نص الشكوي من شركة أوبر

شكوى شركة أوبر 2

رابط البوست الأصلي من الفيسبوك

نص الشكوي من شركو أوبر

انا اتخصم منى مبلغ 225 جنيه فى رحلة بستخدمها تقريبا يوميا بمبلغ 59 الى 62 جنية واتخصم منى مرة تانية مبلغ 101 على نفس الرحلة كل دة من الفيزا بتاعتى و فى يوم لو سمحتو حد يراجع الحساب بعت اكتر من ايميل و محدش بيرد

نهاية نص الشكوي من شركة أوبر

شكوى شركة أوبر 3

رابط البوست الأصلي من الفيسبوك

نص الشكوي من شركة أوبر

الراجل ده أسمه أحمد سواق بشركة أوبر ، عربيه نيسان صنى، مرفق صورة الرحلة اللى هروح بيها بكرة الجامة الأمريكية مقر أوبر بالإضافة لأنى بعت 5 إيميلات للتقييم … شير يا جماعه لصفحات أوبر الرسمية بالفيس … من يخطيء يستحق العقاب …
الراجل ده شتمنى ونزلنى من عربيته لأنى كافرة من وججه نظرة ودى المحادثه اللى دارت بينا ، واللى مش هسكت على حقي فيها ..
السواق أتصال : سلام عليكم طلبتى أوبر
أنا : أيوة حضرتك فين .. جنب مستشفي أبو الغار لأطفال الأنابيب ولا فين ؟
السواق : اه جنبها
أنا : تمام
أتحركت للعربية وأتاأكدت من رقمها زى ما بعمل كل مرة أركب فيها أوبر ، دخلت العربية قلت مساء الخير ، لقيت الأتى قرأن بالكاسيت بأعلى صوت ممكن حد يتخليه ثم رد عليا بصوت أعلى وعليكم السلام وتم الحوار الأتى واللى أستعرق دقيقتين و 30 ثانية زى ما هو موضح بالرحلة .
أنا : ممكن حضرتك تقفل الكاسيت وتفتح التكييف
السواق : لا مش ممكن القرأن ده كلام ربنا مش كلام الكفر بتاعكم
أنا : إيه الكلام ده حضرتك أنت جديد بأوبر ؟ النظام بـوبر أسمع اللى أختارة كعميلة عند الشركة؟
السواق : القرأن كلام ربنا مش كلام الكفر بتاع أي كتاب الكفرة اللى أنتى منهم وأنا أشغل اللى أنا عايزة وبالصوت اللى أحبه دى عربيتى …
أنا: أزاى تقول أنا كافرة أزاى تتكلم كده أصلا حضرتك هتقفل الكاسيت وهتعمل الرحلة ده الننظام
السواق : أنزلى من عربيتى أنا مبركبش كفرة معايا .
خلص الكلام … هنشوف أوبر هتعمل ايه

نهاية نص الشكوي من شركة أوبر

هذا جانب من الشكواي المتاولة بكثرة على ساحات الانترنت وقد صادفنا شكاوي أخرى كثيرة الا اننا فضلنا الاكتفاء بثلاثة فقط حتى لا يعتبر البعض الأمر الغرض منه التشهير والاساءة للشركة وأيضا لأن بعض الأخبار التي وردت عن التحرش ومحاولات الخطف جاءت دون أي أدلة ملموسة يمكن عرضها بشكل موضوعي خال من التشهير والادعاء الكيدي , لكن يجب على شركة أوبر أن تعرف انها أخذت شهرتها بسبب جودة خدمتها فيما سبق ومشاركة عملائها لرحلاتهم الجيدة بها على حساباتهم الشخصية على الفيسبوك وقد لعبت ساحة السوشيال ميديا دورا لا بأس به في الترويج لجودة شركة أوبر وخدماتها لجن أيضا قد تلعب السوشيال ميديا نفس الدور بشكل عكسي اذا استشعر العملاء تدني الخدمة او عدم كفاءة سائقي شركة أوبر , لا نريد أن كون سريعي الحكم ونظلم شركة كبيرة بسبب أخطاء فردية لبعض سائقيها لكن لو خرج الأمر من نطاق الاخطاء الفردية لسائقي شركة أوبر ليصبح مشاكل ادارية وعدم اكتثار من قبل خدمة العملاء فأعتقد أن شركة أوبر سوف تشهد انحدارا مطرد في عدد عملائها في الفترة المقبلة .

إلى هنا ينتهي موضوعنا ونرجو كل من لديه شكوى أو واجه مشكلة مع شركة أوبر سواء من السائقين أو من تجاهل من خدمة العملاء لشكواه المقمه أن يطرحه في التعليقات بهدف تصحيح مسار شركة تقدم خدمة جيدة وليس بهدف التشهير بها .